मनकामना र केवुल कार

मुलुक'मा केवुल कार आएको उतिबेलै हो (अहिले त निकै भै सक्यो ) , ठ्याकै मिति भने थाह भएन ! तै पनि किताब र टेलिभिजनमा हेरेर त्यो के’बुल कार लाइ जान्या’थे , देख्या'थे ! मेरो विदाइको केहि समय (नेपालमा) बाकि रहेकै समय भएको ले गर्दा - अझै कतै डुल्ने मनस्थिति मै बसेको थिए ! अनि  ममीको …थिर्थाटन गर्ने धोको र मेरो केबुल कार चढ्ने – अनि त के चाहियो ! पशुपतिको जात्रा सिद्राको ब्यापार भने झै भयो !

२८ नोभेम्वर- २००९ (शनिवार) , मा - म हिडे मनकामना दर्शन र केवुल कार चढ्न ममी लाइ लिएर – काठमाण्डौ बाट ! फेरी आफ्नो एक्लै हिड्ने आदत नै छैन (किन कि अल्छी लाग्छ ) ! हरेक कुरामा साथि चाहिने …यता जा , उसो गर , बजार जादा, काम गर्न जादा …. आदि इत्यादि ! कहिले काही त ‘बा’ (ड्याड) ,मैले  जे गर्न खोज्दा पनि साथि खोजेको देखेर दिक्क मान्दै भन्ने गर्ने हुन्थ्यो …”के साथि खोज्छस, विवाह गर्न अनि जति खेर नि साथी नै साथि  - कस्तो जति खेर’नी , जे गर्न नि साथि चाहिने ?” ( हाहा …हाह ) यसपटक नि – मैले चुडामणि र सरोज सोल्टी लाइ साथि बनाएर लगेको थिए - जादा बाटामा बोर फिल नहोस भनेर ! 

 

यात्रा त निकै रमाइलो र मज्जा कै भयो तर हेर्नुस न यो पिक्चरमा केवुल कार चढ्न र मनकामना दर्शन गर्न कत्रो लामो ताती (लाइन ) ! रोडको मुख्य प्रवेशद्रार देखि नै केबुल कार चढ्ने ठाउ सम्म अनि फेरी केवुल कार चढेर पारि गएर झरे पछी पनि … त्यही देखि मनकामनाको मन्दिरै सम्म लाइन – सायदै …अहिले सम्ममै सबै भन्दा लामो लाइनमा बस्नु परेको र यत्रो ताती देख्नु परेको यो नै हो -मेरो लागि ! विहान , करिब ९ बजे देखि वेलुका ४: ३० बजे सम्म लाइन मै खडा –खडा  भएर नै बस्नु पर्यो - दर्शनको लागि ! तपाइँ नै सोच्नुस न - कस्तो हालत भएको थियो होला ?

कसैले भन्दै’थे - “आज महिनाको पहिलो शनिवार हो , त्यसैले यस्तो भिड भा'को हो” ! ” शनिवार त आउनु हुन्न - यस्तै हो , बरु अरु नै दिन आयो भने त … निकै सजिलो हुन्छ - सरासर सजिलै दर्शन गर्न सकिन्छ” !

बुढा पाकाहरु भन्ने गर्दथे - भगवानको दर्शन सजिलो हुन्न भनेर ! हो मैले माने ! हैन यी भगवानको मन्दिरहरु सधै - जहा पनि - यस्तै अप्ठ्याराहरुमा मात्र हुन्छ कि क्या हो ?

 

हेर्नुस त कस्तो मनमोहक ठाउँ रहेको छ …. सुन्दर र स्वच्छ अनि सितल बतास छ !

मनकामना दर्शन गर्न -यो केवुल कारको सुबिधाले गर्दा निकै सरल र सहज भएको रहेछ ! नत्र त … अशक्त , वृदहरुलाई निकै गाह्रो हुन्थ्यो ! यो सुबिधाले गर्दा आन्तरिक र बाह्य पर्यटन विकाश भएको मैले महशुस गरे ! अनि त्यस्तो विकट जस्तो लाग्ने ठाउमा पनि होटल र लजको व्यवस्था निकै राम्रो रहेको पाए ! यस्तै व्यवस्था देशका अन्य तिर्थ स्थल र पर्यटकीय क्षेत्र मानिने ठाउहरुमा गर्ने सके बाहिय र आन्तरीक पर्यटक प्रवद्रन गर्न निकै टेवा पुग्ने थियो ! यसमा सम्बन्धित निकाय लगाएत सचेत बर्गले बेलैमा ध्यान पुर्याउन सके रोजगारीको सिर्जना र देश- विकाश  तर्फ लम्कने थियो !

यो केवुल कार नि कति व्यस्त रहेको - नोन स्टप, चल्या चल्यै ! विहान ८ वजे बाट साझ ५/६ बजे सम्म रेगुलर चल्दो रहेछ - दिउसो तिर केहि बेर खाना खान (स्टाफले) बन्द गरिदो रहेछ ! तर केहि पर्व र अवसरहरुमा भने दिउसो बन्द नगरिदो रहेछ अनि वेलुका पनि अलिक अवेर सम्म ७/८ सम्मै पनि चलाइन्छ’रे !

सरोज सोल्टी र चुडामणि सोल्टी फोटो र भिडियो लिन (केवुल कार भित्रबाट) निकै व्यस्त हुनु हुन्थ्यो !

मनकामनाको अरु पनि धेरै तस्विरहरु हेर्न तल“View Full Album”मा Click गर्नुहोस ! धन्यबाद !!

View Full Album