मान्छेका नियती [ कविता ]

यहाँ
पैसा नभएका कारण
गर्दै गरेको व्यवसाय छाड्ने
पढाइ छाड्ने
घर छाड्ने
गाँउ छाड्ने
देश छाडेर
विदेश जाने
मान्छेहरु धेरै भेटे

तर
पैसा नभएकै कारण
रक्सी छाड्ने
गुड़का, पराग छाड्ने
तास खेल्न छाड्ने
मान्छेहरु , अह !
धरो धर्म
आज सम्म मैले भेटेकै छैन यार ।।😄😄

भगवान भरोषामा चलेको देश [कविता]

आज नेताहरु
प्रभुको भरोषामा
देश चलाई रहेको छन ।
तर आम जनता
यो राजनिती
~ छिमेकीको खेल हो भनेर बुझ्दैछन ।।

जस्तो की
हिजो बा'ले
भगवान भरोषामा जिन्दगी चलाएका थिए
र आमाले
यो जिन्दगी
~ सब भाग्यको खेल हो भनेर बुझ्नु भयो ।।

Blogger Contact:
E - Mail: bednathblg@gmail.com
WhatsApp: +977 9811644722
Jhapa, Nepal

मेरो पहिलो पुस्तक ~ आमा [ कविता ]

आमा भन्नु हुन्थ्यो:-
दिनरातको
साउने झरिले गर्दा
घरसँगै टासिएको रतुवा खोलामा
ठुलो बाढी आयो
दाउराहरु बगाएर ल्यायो
घर नजिकैको बगर भरी छरिदियो
अनि
दिनभरी दाउरा बटुलेर डोकामा ओसारे
साझमा खाना खाए
पाकले खुट्टा बेसरी खाएकोले
भतभती पोेल्यो
पिठारी पोलेर खुट्टा भरी दले
अबेर 10, 11 बजे तिर
ढल्किदा ब्यथा लाग्यो ...
रातभर सुत्न सकिन

बिहान भालेको डाक सँगै ~ तँ जन्मिस 👩‍👧कान्छा 💕 ।